تتناول المحاضرة عالم الجن من منظور فلسفي وقرآني، مستعرضة أنواعه المختلفة كالناري والضوئي والمائي والهوائي وخصائصهم. كما تستدل بآيات القرآن الكريم لإثبات أن النبي محمداً هو نبي الإنس والجن. وتناقض المحاضرة بين روايات الثقلين لاستنتاج أن الثقل الرديف لكتاب الله هو عترة أهل البيت لا السنة، بوصفهم المكمل الدستوري والعلمي الشامل لكل العوالم حتى يوم القيامة.
صلى الله على سيدنا محمد وعلى آل بيته الطيبين الطاهرين اللهم صل وسلم على محمد وآل محمد وعجل فرجه. طبعا مثل ما تعودنا دائماً نطرح مواضيع مرتبطة بالأئمة الأطهار من الناحية العلمية، طبعا بندخلها من الناحية الفلسفية ونعطيها بعداً من القرآن الكريم، بس اليوم المحاضرة عنوانها عالم الجن ومن هم الأئمة التابعون لهم؟ الآن دائماً يحيط عالم الجن هالة من عدم المعرفة؛ بحال أن
واحداً يطلع على التلفزيون ويصير يقعد يتحدث: عالم الجن كذا كذا وعالم الجن يعمل هيك هيك وشو هي سبل الوقاية منه؟ بس ولكن نحن اليوم حنغوص بعالم الجن بس ولكن من ناحية ثانية، من ناحية فلسفية مربوطة بالقرآن، طبعا هنالك حديث يقول عن الرسول صلى الله عليه وآله وسلم يذكره الشيعة فقط، وسأذكر الحديث الذي يذكره أهل السنة؛ بيقول: إني تارك فيكم الثقلين كتاب الله وعترة أهل بيتي. الشيعة يطرحون هذا الموضوع ودائماً يعتمدون على المراجع المتواترة لنقله، وبعض أهل السنة نقلوا هذا
الحديث: إني تارك فيكم الثقلين كتاب الله وعترة أهل بيتي، بس ولكن الأغلبية هلا بتقول: لا، مش هذا الحديث، مش مضبوط يعني هذا حديث ضعيف، حيُحاولوا قد ما فيهم يضعفوه ليش؟ بدهم يقولوا: عترتي أهل بيتي، فبيقولوا لنا هلا: إني تارك فيكم الثقلين كتاب الله وسنتي. طبعا أي شخص علمي هلا بهالأيام بيقعد، أنا شخص مش دارس أي علم للأحاديث وما عندي وقت مثلاً أن أدرس علم الأحاديث، ولكن في علوم ثانية بقدر أخذ هذا الحديث منه وأطبق بقى عليه هل أطبق
هذا الموضوع ولا لا؟ هلا أنا كإنسان عملي أو علمي مثلاً بقول: لحتى برهن أي هو الحديث الأصح، كتاب الله وعترة أهل بيتي هو الصحيح ولا كتاب الله وسنتي؟ مش بنهاية الموضوع أنه نقعد قدام الكاميرا أو قدام الميكروفون نقول إن أهل البيت هن الصحيحون وما نعطي أدلة على هذا الموضوع، يعني نحن بالنهاية موجودون هون لحتى نتعلم ولحتى نبحث عن الحقيقة، يعني إذا كانوا عن جد مثلاً أهل البيت هن اللي عندهم العلم بهذا الموضوع فلازم يوضعوا تحت هذه الخانة، وإذا كان
السنة هن المضبوطين كمان نحن لازم نتبع هذا الموضوع، نحن موجودون هون مش عشان نكبر أنه ورثنا، أنه نكون وراثة عن أهلنا؛ غلط الواحد يورث الدين عن أهله، لازم يكون الواحد علمياً وواقعياً، فإذا بدنا نفوت بعلم هذا الحديث كيف بدنا نبرهنه صحيح ولا لا؟ ناخذ الشغلة المضبوطة بالحديثين، الحديث الأول قال: كتاب الله وعترة أهل بيتي، والحديث الثاني قال: كتاب الله وسنتي. المشترك بين الاثنين شو هو؟ كتاب الله. لحتى نبرهن أحقية هذا الموضوع لازم ندخل بعلم
كتاب الله. كتاب الله موجود قدامنا وصريح، بشو اختص علم كتاب الله؟ اختص بأمور كثيرة من الناحية التشريعية، فالقرآن الكريم هو دستور المسلمين في العلاقة ما بين البشر وما بين رب العالمين، بس ولكن اختصاص دستورنا حدثنا عن وجود عوالم على الأرض، العوالم التي هي مربوطة بالإنس والجن، تحدث القرآن كثيراً عن الإنس والجن، وصلت لدرجة أنه كأنه صار هو الكتاب الوحيد من الكتب من الإنجيل والتوراة المختص بالجن؛ تحدثنا عن ماهيتهم، عن ماهية الجن من ماذا خلقوا؟ أول مرة، أول كتاب
يتحدث عن إبليس، كيف إبليس خلق ومن شو موجود؟ يعني ماهية إبليس، وتحدث عن كيف بيعيشوا وكيف بياكلوا ومنه وهل بيستمعوا علينا ولا لا؟ فهو الكتاب الوحيد الذي اختص بهذا الموضوع القرآن الكريم، و بنستعين بآيات من القرآن كأن بيقول: «وخلق الجان من مارج من نار» بسورة الرحمن الآية 15، ورجع تحدث عن إبليس: «إلا إبليس كان من الجن ففسق عن أمر ربه» كمان سورة الكهف. ومن خصائص الجن أنهم يرون الناس -يعني عم بتحدث، شو عم بعطي دليل؟ أن القرآن تحدث عن
الجن بطريقة مكثفة مثل ما كأنه تحدث عن الإنسان- «إنه يراكم هو وقبيله من حيث لا ترونهم»، يعني الجن بيقدر يشوفنا بس نحن ما بنقدر نشوفه. أنا تحدثت عن هذا الموضوع: ليش الإنسان؟ تعودنا نحن الإنسان يعني جسمنا المادي يتكون من ترددات، هي الترددات بتجمع الخلايا مع بعضها، بتجمع الذرات. الذرات تعولتنا موجودة على تردد بتقدر تشوفه العين؛ العين بتقدر تشوف من التردد المعين للتردد المعين، جسم الجن ما بنقدر نشوفه، وأقرب دليل لهذا الموضوع هو
الراديو، هلا بتطلع على الراديو بنحطه على مثلاً 89.1 مثلاً بتلاقي في قناة 89.5، قناة ثانية بس بنفس الراديو موجود نفس الهواء، بس ولكن الراديو شاف هذا التردد بس لأن أنا حطيتها بس على هذا التردد. فالعين تعولتنا مضبوطة أنها تشوف تردد معين، وبنقعد ما بنقدر فيه نشوف الجن، بس ولكنه موجود فهو عم... ولكن الجن تردد عينه بيقدر يشوف الإنسان من خلال تردد عينه، يعني تردد عينه كبير اللي بيقدر يشوف الجن مثلاً، أو بيقدر يشوف عفوأً، بيقدر يشوف الملائكة هو الديك؛
الديك لما يصيح الصبح بيشوف الملائكة، ليه؟ لأن تردد عينه بيقدر يسمح أنه يشوف الملائكة، تردد يعني رب العالمين خلقه عشان هيك الشيطان بيكره الديك، ومن أحد الأمور التي حتى يتقربوا فيها للشيطان، إذا واحد بيحضر مثلاً بيشوف عالم السحر، السحرة أول ما ببلشوا بيصيروا يذبحوا الديك ويحطوا دمه على ثياب الآلهة، لأن الشيطان بيكره الديك بشوف الملائكة، بس الشيطان ما بيقدر يشوف الملائكة، فهو بيستعمل الديك لحتى يشوف كأنه أجى الملاك ولا لا لأنه بخاف
منه. بيرجع بكمل: «ومن الجن من يعمل بين يديه بإذن ربه»؛ هون عم يتكلم عن النبي سليمان أول ما دخل عالم الجن مع عالم الإنس، يعني تقارب صاروا مربوطين ببعضهم عالم الجن، مش عالم الشياطين، الشيطان هو من عالم الجن بس عم يتحدث الجن كلياتهم صاروا متقاربين جداً مع بعضهما لما كان على عهد النبي سليمان؛ صار الإنس قادراً يتحكم بالجن ونفس وبنفس الوقت الجن أيضاً قادر يتحكم كان بالإنس، ومن الجن بالتأكيد بإذن رب العالمين؛ يعني ما في مؤمن يأتي الجن
يتحكم فيه بإذن رب العالمين، «ومن الجن من يعمل بين يديه بإذن ربه ومن يزغ منهم عن أمرنا نذقه من عذاب السعير». بيرجع يتحدث عن لما تحدثت عن أنه قادرين يسمعون صوت الإنسان: «وإذ صرفنا إليك نفراً من الجن يسمعون القرآن فلما حضروه قالوا أنصتوا»، هذه الآية مهمة؛ أنصتوا لحتى نبني عليها الطرح الذي عم نعمله هلق، ما قال له اسمعوا القرآن يعني أجوا هيك وسمعوا القرآن لقوا صوت حلو لحن حلو يلا قال لك يلا هذا يعني صوته حلو يلا خلينا نسمعه، لا؛ أنصتوا، أنصتوا له لعلكم
تفلحون، بقول لك أنصتوا يعني ركزوا فيه مضبوط وفسروا معانيه، ليه؟ لأن تحول هون القرآن مش لمجرد بس مثل الإنجيل والتوراة لقصة، لا تحول لدستور ورسول كمان، فأول ما بلش الجن يسلموا هو عن طريق القرآن الكريم، عشان هيك تحول القرآن كدستور للجن ودستور للإنس كمان بنفس الوقت، دستور للجن ودستور للإنس، «وما خلقت» بيرجع بكمل «وما خلقت الجن والإنس إلا ليعبدون»، كيف بدهم يعبدوا رب العالمين إذا آخر شخص هو وصل له النبي محمد (صلى الله عليه وآله وسلم)؟
فباعتراف أهل البيت، مدرسة أهل البيت، وباعتراف مدرسة أهل السنة، النبي محمد هو إمام الإنس والجن، هو نبي الإنس والجن وإمام الإنس والجن بنفس الوقت باعترافهم ومن خلال هذه الآيات. فخلينا نكمل: «يا معشر الجن والإنس ألم يأتكم رسل منكم يقصون عليكم آياتي»؛ كمان نفس الشيء عم برهن لنا هون أنه عم بحكينا أكثر عن الجن، وبنفس الوقت عم عرفنا مين هن، أنه هن عندهم كمان أنبياء جن؛ يعني في الجن كان يجي عندهم أنبياء يشرحوا لهم مثل أنبياء الإنس، والدليل على هذا الموضوع:
«يا معشر الجن والإنس ألم يأتكم رسل منكم يقصون عليكم آياتي»؛ بس ولكن هون آخر شيء وصل أنه النبي محمد هو الإنسي الذي كان نبي للجن؛ يعني كان هو نبي الإنس ونبي الجن مع بعض. «فيهن قاصرات الطرف»، عم يتحدث هون عن الحور العين: «لم يطمصهن إنس قبلهم ولا جان»؛ يعني الجن بيقدر ينام مع إنسية، هذا دليل هذا الموضوع، والإنس بيقدر ينام مع جنية، وذكرت روايات كثيرة بهذه الأمور، منهم بلقيس، بلقيس بيقولوا نصفها إنسية
ونصفها جنية؛ بلقيس لما ملكة سبأ باليمن نصفها إنسية، نصفها جنسية، نصفها إنسية ونصفها جنية. الآن في أدلة كثيرة على هذا الموضوع، بس مش طرحنا هلق نفوت بهذا الموضوع. بالموضوع يعني مثلا نشوف شو هن شو عالم نرجع ندخل هلق الجن لحتى ندخل أكثر بالموضوع؛ يعني مثلاً نشوف شو هن، شو عالم الجن بالضبط لحتى نعرف هل هن بس مجرد ناس حوالينا ولا لا؟ هن عندهم عوالم. طبعاً الجن أقسام، مش مثل الإنس؛ نحن أصنافنا مثلاً أسود وأبيض ولونهم كحلي وأحمر؛ يعني هذه الأصناف
البشرية، كمان بنفس الوقت في أصناف جنية، بس ولكن بتعيش بأماكن مختلفة. أول شيء في أنواع الجن الضوئي، حارجع أصنف كل واحد شو الألوان؛ في الجن القمري، في الجن الناري، في الجن المائي، في الجن الترابي، وفي الجن الهوائي، كل واحد بيسكن منهم هذه الأماكن. هلق أنا حأقول لكم كل نوع منهم وتصنيفهم؛ يعني هذه المرة حندخل بعمق هذه المواضيع، مش حنتحدث بس من السطح. النوع الأول هو الجن الضوئيون، الذين هم يسمونه نصيبين، هذا النوع هو مختص بالجن المسلمين
الذين كانوا على عهد رسول الله (صلى الله عليه وآله وسلم) والذين ذكرهم القرآن، الذي هلق تحدثت عنهم بالآية الشريفة التي تقول: «نفر من الجن يسمعون» بهذا المعنى، نعم، فهن الذين عاشوا في زمن الرسول (صلى الله عليه وآله وسلم) وحضروا معه الدعوة، وحضروا معه دعوة الإسلام. طبعاً في بعض أنواع من الجن من أول ما الله خلق الأرض كانوا موجودين عليها، بيضلهم لحتى يوم القيامة ما بيموتوا؛ يعني بيعيشوا آلاف السنين، يمكن مليارات السنين؛ في جن بيعيشوا عدد معين من
السنين، لا، في جن بيعيشوا أكثر؛ في عندنا جن بيعيشوا شو بالنص؟ يعني العدد تبعهم مرفوع، مش نحن مثلاً 60 سنة وخلص الواحد يتوكل على الله، لا، هن بيضلهم آلاف السنين، عشان هيك العلم عندهم مطور؛ يعني مثلاً إذا اجا عالم من الجن بيبقى مرق عليه مثلاً مادري كم مليار عالم من الانس؛ يعني بيكون حضر علومهم، عشان هيك العالم الجن مطور كثير عن عالمنا الإنسي. كل واحد منهم مثلاً هلق إذا لو خلينا أينشتاين 500 سنة مثلاً أو 1,000 سنة عمره كان قدم لنا علوم كثيرة، لو خلينا مثلاً
علماء كثيرة أقل من 60 سنة أو 70 سنة كانوا قدموا علوم كثيرة. الإنسان بيوصل للعلوم من 30 سنة أو 40 سنة يبلش يقدم علوم، إذا الواحد عنده بي إتش دي أو شيء لازم يدرس ليصير عمره 35 سنة لحتى ها بلش يكتب أول كتاب، بيوصل عمره 40 سنة قدم ثاني ثالث عشر كتب، صار عمره 60 سنة يخشى بيموت، فعلومنا نحن قصيرة جداً وبنطول لنتعلم، لا، الجن بيطولوا بالعمار عشان هيك مطورين. فهؤلاء الجن الضوئيون هن أمراء وملوك، أي ملوك الجنين، أمراء وملوك وأعدادهم
قليلة كثير هلق صارت لأنهم كان عندهم حروب كثير مع الشياطين، ويتميزون بالحكمة، شديدين الحكمة وشديدين العلم؛ يعني بيعرفوا أمورك وحكيمين جداً هن هذول الجن الضوئيين، عشان ككانوا يعني الرسول (صلى الله عليه وآله وسلم) علمهم علمهم أمور كثيرة، وتعلموا الحكمة منه من القرآن الكريم، لذلك إذا أراد الشياطين ما بيقدروا عليهم؛ يعني الشياطين إذا اجا الشيطان ليقتله لهذا ما بيقدر عليه لأنه شديد الحكمة وشديد القوة، ولكن بيقدروا عليه بالمعارك إذا اجتمعوا
عليه آلاف الشياطين، بيقدروا يجرحوه كثير آخر شيء ليموت. هلق نحن ما بنشوفدافعية المعارك اللي عم بتصير؛ يعني نحن هلق والهواء حلو طالع والنسيم والمياه قدامي. وقاعد أؤنس بهذا المنظر، ولكن إذا كشف لي الغطاء يمكن يكونوا معركة قدامي من جن، بس أنا مش حاسس فيهم؛ إذن فهذول ممكن يجتمعوا على الجن النوع الثاني من الجن، وهي الجن القمري؛ وهذا النوع في منه 80% بس منهم مسلمين و20% منهم من الشياطين، وهو يأتي من المرحلة الثانية بالقوة بالنسبة لل يعني بالعددية
المسلمين اللي موجودة فيه؛ يعني في جن مسلم وفي جن كافر بحكم اللي عم نتحدث عنه، إنه المسلمين الجن المسلمين بيتبعوا القرآن، والجن الباقي بيتبع الإنجيل والتوراة بس؛ ولكنه الإنجيل والتوراة مش مختص فيهم، هن بيتبعوه هيك بحكم هلق أنا بقول لكم كيف اتبعوه، وهم وهم بهذا الجن القمري في عدد كبير منهم من الشياطين، يعني هالشياطين 20% منهم هن من السحرة اللي بيساعدوا السحرة، هلا إذا في ساحر، اللي بيساعده أكثر شيء هو الجن القمري، يعني
أكثر شيء عالم السحر بيقول لك بيقعد بالليل، وبصير يقعد يعمل طلاسم سحرية بالليل ما بيعملها بنهار، ليه عندي سعادة هذول الجن القمري إنه ما بيشتغلوا بنهار، يعني لا بيشتغلوا بالنهار حسب نوع الخادم تاع خادم الجن يعني تبع السحرة إيه، مقاتلون شرسون جداً هن المسلمين وهو أتقياء الجن، وعند الكفار من السحرة، يعني من المسلمين إن هذول الجن القمري أتقياء يعني مثل ناس مؤمنين ملتزمين، ومن الشياطين هن من السحرة بيتعلموا السحر. النوع الثالث من
الجن هن الجن الناري، ويعتبر من أهم أنواع الجن، ولذلك لسببين؛ أول شيء الجن مخلوق من النار، «وخلقنا من نار» كل الجن الباقي اشتق من النار، يعني مشتق من النار، يعني مثلاً في آية كريمة بتقول تتحدث عن النار إنه النار لها يعني نار لها عائلة لها فاميلي؛ يعني النار لها مخ لها لها لها اشتقاقات كثيرة، فمن أحد المواضيع هو الجن، الجن الأساسي هو الجن الناري هو أصل الجن، ناريون، وبيمتلكوا كل التكوينات الطبيعية تبعتهم
من خصائص تكوينية وتشكيلية وفيزيولوجية؛ يعني كلياتهم من نار، بس ولكن مش نار يعني هلق إذا شاف واحد جني مش بيجي بيلاقيه والعن، بقول نحن من تراب ما بنيجي بنلاقينا مطلطين يعني إذا حطيت إيدي على شيء بتصير تتعلمي، لا الطين ناشف وهن من نار، بس ولكن نار لها من العائلة النار، يعني مش بكون والعني وماشي شي، لا هو بيكون من نار، بس ولكن مش مثل نحن طين، يعني إذا طين هلا يعني بيخلي إيدي يصير شكلها مثل القصر، كيف الطين لما يروح الواحد على البحر بيعمل
طين، لا مش بهذا المعنى، بس طين ناشف يعني إذا إذا حطينا الطين بقلب ال إذا حطي إذا حط إذا عفواً دفن الجسد الإنساني بقلب التراب بيتفتت بقلب التراب مش هي هذا المعنى، فإذا حط الجن أي جسمه بقلب النار بيتفتت، فأحد العلماء هو كان اسمه بهلول على عهدنا أحد الأئمة عليهم السلام عالم، صادق يمكن أو الباقر يعني حسب شاهد، هو عدد من الأئمة، هو ادعى الجنون، بس ولكنه كان من كبار علماء الشيعة، دعى الجنون حفاظاً على حياته، ف فاجأ أحد الأشخاص عم يسأله عم يضحك على
القرآن عم بيقول إنه أي طيب ما إذا من النار، كيف رب العالمين هيدي الجن من النار كيف بده يحطهم بكرة بالنار، كيف بده يعذبهم انت كيف النار بدها تعذب نار؟ فهو قام حجر طين وخبطه فيه، فلما خبطه فيه نزل دم، فهذا صرخ شو عم تستعمل أنت؟ راحوا عند القاضي من زمان كان عندهم قاضي واقفين يعني يفوتوا دغري، وقاضي قاعد وبيفوتوا دغري، فقعد عند راح عند القاضي وقال له يا قاضي شوف شو عمل فيي، سألته لأبوهلول هذا السؤال، راح ضربني بالحجر، قال له يا عمي هذا أهبل شو بتسأل
حدا يسأل أهبل، إنه هذا لا عذر عليه أهبل، فقال له لا أنا ضربته عشان حكمة، طيب قال له شو هي الحكمة اللي ضربته فيها؟ قال له الطين هو هذا، قمت الطين وخبطت الطين، ليش نزل منه دم تأذى؟ فنفس الشيء، فهو عم يعلمه حكمة أنه حتى الطينة بيأذينا نحن المخلوقين من طين، فالنار ممكن تأذي أشخاص من النار بحكم بحكم هذا الموضوع، طبعا من الجن النوع الثالث اللي هن النار هن الشياطين هن من هذا النوع. في عندهم قبائل، قبائل الجن الأزرق والأحمر والأزرق المحمر (يعني في ازرق لونه
خافيتين في خطوط حمر حمر مثل حمار الوحشي الأبيض وفي خطوط سود نفس الشيء)، هذول الجن الأزرق والأحمر والأزرق المحمر والازرق المخضر (يعني أزرق وعليه أطراف خضر من الأطراف) والجن الأخضر؛ وهذه كل القبائل بيطرح عليها اثنين من الشياطين الكبار، إن شاء الله بالدرس الجاي بحكي لكم أكثر عن الشياطين وأصنافهم وأسمائهم، لأن الشياطين في عندهم اختصاصات، يعني لما يجي الشيطان يوسوس للإنسان، ما بيجي واحد شيطان مش مختص بهذا الموضوع، بيجي شيطان
مختص للزنا، بيجي شيطان مختص ليضيع عقله للواحد بالصلاة، بيجي يعني بيجوا اختصاصات، يعني هن مس وبيدرسوا وبيتعلموا فينا بنفس هذا الموضوع، ومنضبطين جداً، الشياطين منضبطين جداً، مش مثلنا نحن، شديدي الانضباط، يعني بيمشوا مثل الجيش مع بعضهم مثل الجيش، وتكوينهم للجن وللشياطين مثل تكوين الجيش، مثلاً في عقيد، أو بس أكيد عندهم أسماء ثانية إن شاء الله بالدرس الثاني بنتحدث عنها بتفصيل بأمور تفصيلية أكثر مثل الجيش. إيه، وفي من هذول الجن الناري المرَدة
والعفاريت؛ العفاريت هن أقوى أنواع الجن الموجودين، العفاريت هن أقوى أنواع الجن، ليه العفريت؟ لا، العفريت هو من أقوى أنواع الجن، العفريت هو الوحيد اللي قدر يتحكم فهم هو النبي سليمان، فماذا يعني عفريت؟ نوع من أنواع الجن اسمه. العفاريت هم يتميزون بالطول ويقدرون أن يعيشوا أينما كان؛ يعيشون في البحر، يعيشون هلا يقولون أكثر شيء يعيشون في البحر ليهربوا من الناس لأنه لا يقدر أحد أن يتحكم بالعفاريت هلا إلا النبي محمد (صلى الله عليه وآله)، ولكنه
غير، كان غير مخول أن يتحكم بحكم الآية الكريمة: سأل سليمان رب العالمين، قال له: «أعطني ملكا لا ينبغي لأحد من بعدي». من الملك هذا هن العفاريت، فهن نوع ناري ويمثل لوناً تقريباً 70 بالمئة من الجن كاملاً هن. عددهم، طبعا هنالك أيضاً أي يعني هنالك أيضاً جن اسمه الجن المائيون الذين يعيشون في الماء، هم جن يعيشون في الماء. بالقرآن يقول بالقرآن الكريم: «وكل بناء وغواص». غواص يعني يفوط في الماء، يغوص في الماء، وبناء يقدر يبني ويعيش، وهؤلاء
من الـ... يقدرون يعيشون من العوام، يعني مثلاً بيوتنا، في عوامر تقولون العامر يعني كل بيت، لكل بيت هلا موجود في جن بس ولكنه من الناس الذين قاعدين فيه، إذا جاؤوا مثلاً إلى بيت نقلوا، مسلمين بيطلعوا الجن الكفار، بيجوا جن مسلمين بيقعدوا معهم من الجن المسلمين، هؤلاء لا يؤذون أحداً إلا إذا أوذوا طبعا، يعني كأمور كثيرة، أمور مثلاً إيه هن بحبوا مثلا النار، إنه بحب كل الجن بحب النار كثيراً، إذا مثلاً ولع نار الواحد مثلاً عامل بونفاير أو شيء، ترك النار
دائرة وراها، تركها، بيجوا بصيروا ياكلوا من النار، بيتجمعوا أكثر شيء وبياكلوا من النار. إيه مثلاً، فمستحب يعني مستحب إنه مثلاً لما يطفي الـ... لما يتركوا النار يجوا يطفوها، بس بالماء يكوا عليها الماء؛ لأنهم بصيروا بيتجمعوا حواليها بكثرة يعني أعداد كبيرة، بصيروا ياكلوا من النار، إيه فبصيروا يجوا يكثروا بالمنزل، يعني بصير لما الجني يفوت بصيروا يكثروا بالمنزل، إذا كان هنالك في غناء دائم مثلاً، إذا حدا حاطط أغاني بالبيت على طول كمان بيكثروا بهذا النوع، بصيروا
يؤذون الناس، إذا كان في نجاسات، إذا كان في نجاسات بالبيت كمان بيكثروا هذا أنواع الجن، يعني بصيروا مثلاً بيجوا بالمنامات يؤذون الناس بالمنامات، بصيروا... بصير في أمراض كثيرة بالبيت، بصير تطلع ريحة كريهة بالبيت، لما يكون في ريحة كريهة أحد العلامات، بصير يسمع أصوات يعني ضجة على طول، بس لما الواحد يفوت على البيت يحس حاله دائماً مختنق، هلا مثلاً في ناس يفوتوا على البيت يحسوا حالهم مختنقين بقلب البيت، بس يطلعوا من البيت بيرتاحوا، بصير يتوقع مثلاً حدا عم يشتغل طول
النهار بالمطبخ بصير يقع من إيده، يفلت من إيده أشياء كثيرة مش بإيده، بصير يفلت من إيده أشياء أغراض كمان، إيه أغراض إيه بصيروا... طيب مثلاً في حديث عن... ما أعرف عن أي واحد قال: الإنسان يدخل على بيته أول ما يدخل يسلم: السلام عليكم يا أهل الدار الطيبين، نعم، فهذا لأنه باعتبار لأن نفس الشيء أهل يعني الكابتن الجد طيب فعلاً، يعني هذه من الأدلة، نعم، أهل، بس في منهم أهل خبثاء، وهو لأنه شو بيقول لك؟ بأنهم اتبعوا يعني به القرآن
في الأساس، أولاً ما يجتمعوا، فعلاً فعلاً، إيه فعلاً تفضلي حاج عم تقول إنه بيدخلوا بالبيت، بتصير ريحة، بياذوا هيك، هلا كل أهل البيت حسوا بهالشيء ولا مثلاً المؤمنين؟ لا، المؤمنين محمين، يعني في هنالك قصة حتى مثلاً إذا في واحد ما بيصلي بحسقي؟ لا هيك، لا، المؤمنين كيف محمين بأي طريقة؟ إنه دائمون الذكر لرب العالمين فبيحتموا، هلا ممكن يأثروا عليهم بطريقة، الجن بضل يقدر يأثر إذا كان أول الجن، بس ولكن إذا فرص خاصة إذا كانوا من السحرة، مثلاً ناس من
السحرة سلطوا الجن على أحد المؤمن، بيوت المؤمنين، ممكن يضايقوه شوي بس ولكن مش بقوة؛ لأن حسب إيمان الشخص، حسب صلاته، مثلاً آية الكرسي تنفع كثيراً، قراءة آية الكرسي ثلاث مرات بتحمي الجن، تحمي من الجن، بس ولكن بضل يتاثر، سبحان الله هي فيها حكمة ثلاث مرات بتحمي الجن بتحمي من الجن بس ححكمة إلهية، يعني هالأمور متداخلة، هو الموضوع تبع الأساسي مش الجن أنفسهم، عم تقول بأن العين ما بتشوف الجن، نعم، ما بتشوف، مشكلة السحرة بيشوفوهم، بيشوفوهم عن
طريق إيه يعني مكان في علم من زمان اسمه الخيمياء، هلا نحن... سستري في علم نحن موجود اسمه الكيمستري، هلا شيمي نحن بيسموه الكيمستري، الكيمياء الموجود العام، كان في علم من زمان علوم العرب اسمها الخيمياء، وفي علم اسمه السيمياء، الخيمياء والسيمياء هي علوم مختصة بخلط الأشياء مع بعضها لكي يشوف الجن، هلا أنا مش مش عم بعمل دعايات لكيف تشوف الجن، هلا أي إنسان بيقدر يشوف الجن من خلال خلطة هي استعامل، ما بدي أنا أفوت بهالموضوع لعدم نشره، لا لتحضير إيه
مثلاً استعمال كبد أحد الحيوانات مع مع وصلة مع بعضها، دهن العيون في... فين العيون، فبيقدر يشوف الجن، فأنا ما بدي ما بدي أفوت بهالتفاصيل لأن مش اختصاص، هل في شيء في بعض المحاضرات الخطباء يربون هذا الشيء، يعني هذا الشيء يقولون صحيح هو في جن ما يعيش وين الناس، هذا الشيء مرفوض، يعني الخطباء عادة بحبوا يقول... ما يقولوا هذه المواضيع لحماية الناس، لا لحماية الناس؛ لأن في ناس كثيراً بتروح بتصير تعمل هذا الموضوع تحت حتى علم ودين وكل شيء،
يعني هو صحيح في دين موجود، بس يعني مش موجود هذا مثلاً كيف السحر، هذا بدهم يحضرونه إلى تحضير خاص ومختصين بهذه الأشياء وهم يستعملون نجاسات ويستعملون طبعاً، هن... أنا بقدر أعطي مليار مليار مثلاً لنفي هذا الموضوع، لنفي اللي هم بيقدموه، أنا جيت بهالمحاضره كلياتها من الناحية العلمية وعم أقدم آيات قرانية وعم أقدم يعني أمور يعني مش... بقول المنجمون: لو صدقوا كذب المنجمون، هلا هذيك صار اختصاصهم بعالم الغيب، بس نحن هلا linesCountCorrect
completedWithoutIssues نحن نتحدث عن أنواعهم، هلا نحن لا نتحدث عن كيف نتعامل معهم ونحن ما بدنا نتعامل معهم، لأن هذا حرام، موجود بالبيت يعني لا، لأن يعني وين بده يكون موجود يعني هلا الكرة الأرضية، لا، الكرة الكرة الأرضية موجودة، خاص لهم عالم خاص بعالمهم، بس هلا أنا عندما تحدثت أول ما دخلت، عفوا بس لصق، أول ما دخلت قلت أنا أضفت على الراديو، قلت الراديو هلا فتحت الراديو، علبة الراديو فيها تقريبا ألفا قناة، طيب، ما ما ولا واحدة فايحة بوحدة، أنت قلبت القناة،
بتفوت على هذا، بس هي نفسها الراديو، كلياتهن موجودين بقلب الراديو، بس ولا واحدة فايحة بوحدة، هيك قصدي، بس هذا ما بيعني أنه إذا أنت مثلاً قلبتيها قناة تسعين فاصل واحد، ما بينفي أنه في قناة اسمها واحد وخمسين فاصل ثلاثة مش موجودة، بس ولكن هي مش مختصة بهذا الموضوع، بس اثنيناتهن كلياتهن موجودين بالراديو، فإذا أنا نفيتها عدم وجود الثاني لأن أنا ما قلبت القناة، يعني ما قلبتها، فينفيها أنا؟ يعني في بعض العلماء فيهم ينفوها، أنا مش
مش عامدا،ً بس أنا عم بعطي أدلة أنه هي موجودة، موجود هو هو الحقيقة أكثر من القرآن بعد، بس يعني ق.. مش بالبيت موجود، لا، موجودين عمار، أمبلا، موجودين، في أدلة كثير على هذا الموضوع، إي، على كل حال، هلا كمان في منهم التراب، وما بدي كمان فوت بهذا الموضوع لأنه بفوت بقلب تراب، يعني في منهم، إذا في روايات كثيرة بتقول إنه شاف شيء وفات بقلب تراب دغري وطلع دخان، هذا الترابي موجودين كثير، خصوصاً بال.. إذا الناس اللي ساكنين بالأماكن
المفتوحة مثلاً، في عندهم حد منهم باركات، أو حد منهم هذا بيشوفوها الأمور يعني، بيقدروا يلاحظوها بسرعة، خصوصاً بالله والجن الهوائي موجود بالهواء، وطبعا بعض أسماء الجن هن الغول كمان له أمور، والسلعات، والدلهاب، وأم الصبيان هالامور يعني، كل واحدة لها أمور، والشق، والعفريت، أنا تحدثت عن هالمواضيع، وحارجع للموضوع الأصلي، ليش ربطت هذا الموضوع بكتاب الله وعترتي أهل بيتي؟ إي، فنرجع للموضوع الأصلي، إنه القرآن تحدث عن عالم الجن والانس، ولقينا
أنه عالم الجن موجود، والجن.. وأعطيت أدلة أنه الجن لحتى يصير مسلماً لازم يستعيذ بالقرآن، طيب، إذا كان القول: "إني تارك فيكم الثقلين: كتاب الله وسنتي"، شو سنة الرسول عند الجن؟ عند عالم الجن؟ يعني شو ممكن الرسول يكون ثقل، سنة الرسول تكون ثقل مقابل القرآن؟ يعني مثلاً هل هلا الجني بيربي دنه كمان؟ بيحلب شواربه مثلاً؟ إي، لا، بس إنه هل ممكن يعمل هذا الموضوع؟ أو يمكن مثل ما هلا بيعملوا بعض الأصناف من المسلمين، وهي بهدلة لأنهم بلبسوا عباية،
بيبينوا فيها نص رجليهم من تحت كلياتها طالعة، إي، أو مثلاً بيلبسوا شحاطة، أو يعني هالأمور، فالسنة النبوية هي لازم تكون بقلب كتاب الله، يعني لحتى تفسير كتاب الله هو السنة النبوية لازم، إي، فالسنة النبوية هي تفسير كتابه من أي ناحية؟ الصلاة مثلاً، إي كيف نحن عرفنا إنه هي أربع ركعات أو ثلاث ركعات أو كم عددها؟ أو من السنة النبوية هي مكملة لكتاب الله؟ فبحسب الدليل لأن سنة الله سنة النبي ما بتفوت على.. ما بتخص عالم الجن، ساعتها بينفي إنه السنة النبوية هي ثقل
للقرآن من ناحية عالم الجن، الآن إذا كان السنة النبوية لازمة.. خليني أحطه، "إني تارك فيكم الثقلين"، يعني ثقل كبير، دستور كبير لازم يكون بوجهه دستور كبير، كتاب الله هو هذا الدستور الكبير المعبى وشيء بالمقابل تعوله، هن قالوا: "سنتي"، طيب، ما هلا تحدثت كل هالوقفت عن عالم الجن واختصاصات عالم الجن وكل واحد مثلاً أحكام عالم الجن المائيين بالمي، كيف بيتوضوا تحت؟ طيب، هو عايشين بالبحر، كيف بيتوضوا؟ فبالقرآن ما في آلية للوضوء،
بالقرآن تعلمنا آلية الوضوء من السنة النبوية، فلكن هنالك إي آلية للوضوء، الجن في لهم آلية للوضوء، من وين تعلموها؟ بعد وفاة الرسول لازم يكون هنالك في ثقل ثاني يعادل الثقل الأول، فلانه بحكم وجود الرسول صلى الله عليه وآله وسلم عشرين سنة ما بين المسلمين كان وقت قليل كثير، يعني كان يا دوب يكون رب أصحابه حواليه، يا دوب يعني حتى الطبيعة اللي موجودة بالصحراء، كانوا موجودين من أول، طول النهار، طول الوقت صحراء يعني، صحراء وما في عندهم
حياة مدنية نهائياً، فأجا الرسول عليهم كل هالأخلاق، فهن قديش بدهم وقت لحتى يتعلموا كل هالأخلاق؟ حتى الرسول، حتى آخر شيء بالقرآن: «إن الله لا يستحيي»، بتقول لما توصلوا على بيت النبي: «أخفضوا أصواتكم»، على الأليلة إنه يا محمد، كانوا يطلعوا من برا ويعيطوا له هيك، يعني كانوا ناس بدائيين جدا، وكانوا متخلفين جداً جداً جداً، فبهالفترة القليلة ما كان حيقدر يكرس السنة النبوية، ما حيقدر يعطيها، فلأزم من خلال العالم الثاني أثبتنا أنه بمقابل
كتاب الله لازم يكون هنالك ثقل ثاني يتحدث عن كتاب الله بعظمة كتاب الله، مش بس مجرد باستمرارية كتاب الله، إي، لا، جأت كب.. إي، فكتاب الله وعترة أهل بيته، فمن خلال هذا الدليل أنه "إني تارك فيكم الثقلين كتاب الله وسنتي" ما بتزبط عليه حكيناه، بحكم أنه القرآن دستور مكمل لكل الأشياء الموجودة فيه، فالدستور المكمل لكل الأشياء الموجودة فيه هو أهل البيت، نوصل لأهل البيت، مثلاً نوصل للإمام الحسن العسكري، في كثير من الشيعة بيسموا حالهم شيعة، بيوقفوا عند الإمام الحسن
العسكري، بيقولوا: مش منطقياً أنه يكون في إمام مهدي، طيب، ولكن كيف بده يكمل الثقل للقرآن الكريم؟ يعني هل كمان الحديث لازم يكون مكمل بثقل ثاني ليوم القيامة: «لن يفترقا حتى يردا علي الحوض»؟ ما في هنالك كمان جن بعد لهلا في عندهم حروب وفي عندهم كذا، من هو إمام الإنس والجن؟ هلابحكم هذا التفسير هو الإمام المهدي، لازم يكون في إمام موجود بعد الإمام الحسن، العسكري عمره ألف سنة أو شو بيمنع إذا كان عمره 1400 سنة وبيعدوا يتمسخروا إنه هو
موجود بالسرداب بعده؟ أي سرداب؟ هاي السرداب عقول تكون موجود فيها، هو مش موجود بالسرداب، هو دخل على هذا المكان واختفى، واختفى مش اختفى عن الأبصار من ناحية التردد، يعني هو موجود، يعني هو يحضر المجالس، الإمام المهدي يحضر المجالس هو ويساعد ناس كثيرة ويساعد ناس كثيرة، وفي أدلة كتير من مؤمنين على هذا الموضوع بحكم التاريخ بس ولكنه ما دخل السرداب ويحيضوا فيه 1400 سنة؟ شو بده يعمل بقعد 1400؟ ما هنالك هو إمام الإنس والجن بحكم هذه
«إني تارك فيكم الثقلين كتاب الله وعترتي»، أهل بيته، لذلك من خلال اللي قدمناه هلا بينتفي إنه أي واحد بيقول لكم إنه «تاركم فيكم الثقلين كتاب الله وسنتي»، لأنه مش مبوطة، السنة النبوية ما بتفوت بعلم الجن ستور القرآن اللي ذكره، فلازم الثقل الأول كتاب الله، ولازم يكون معادل ل للرديف تاعوله اللي هن أهل البيت عليهم السلام من خلال العلوم اللي قدموها، ومن خلال العلوم اللي عم يتحدث عنها مثل علم الجفر وعلم الـ... هلا في بس ملحوظة صغيرة
وبنختم، فيه طلعوا هلا أهل... بعض أهل السنة بيطلعوا بيهاجموا الشيعة إنهم عندهم كتاب... أول شيء هاجموا الشيعة إنهم عندهم كتاب اسمه مصحف فاطمة ما بعرف، وإنه موجود هذا المصحف. فاطمة هو موجود مع الإمام المهدي، بس هو مش مصحف يعني مثل مصحف دستور ونازل من رب العالمين، هو الحديث اللي دار بين السيدة فاطمة الزهراء وجبرائيل بعد وفاة الرسول محمد، يعني كان بيواسيها جبرائيل على... على... يعني شوفي طهر السيدة فاطمة الزهراء وقديش قلبها ظل معصور بعد وفاة
الرسول، فبس ولكن هنالك مثل حوار دار ما بينها وما بين... السيدة فاطمة الزهراء وكتبته على مصحف وخلته للإمام علي، بس بيتوارثوه الأئمة، بس مش موجود مع الشيعة. هذا طلعوا عليه كثير وصاروا يقولوا هم عندهم مصحف ومخبينه، صاروا تقريبا 200 سنة مخبين المصحف ما بعرفوا وين هو، يعني أنا أنا الصراحة سمعت بمصحفات من خلالهم وهلا عم يطلعوا كمان إنه هلا في عند الشيعة كمان كتاب اسمه الجفر وبالهوا فيه الإمام علي، يعني ما بعرف وينو هذا تمام يعني، بس
هم يطلعوا ويقولوا لا، الجفر أنا تحدثت عنه بدرسين قبلين وإن شاء الله حنكمل الأمور، هو بس علم مختص بععلم الأرقام من القرآن، مشتق من القرآن الكريم وبس هيك. فبنوصل لنتيجة نهائية: «تاركم فيكم الثقلين كتاب الله وعترتي أهل بيتي»، وبينتفي السنة النبوية لأنها جزء من تفسير القرآن الكريم، مش ثقل له. والسلام عليكم ورحمة الله وبركاته، ورحمة الله وبركاته. سورة العصر تحض على... بس الكاميرا لو
رؤية علمية من وحي القرأن الكريم وعالم الجن والشياطين ، وبرهان حديث الثقلين ، اصناف عالم الجن ، حاجتهم إلى إمام ، وهل القرأن هو دستور عالمهم أيضاً ، يقدمه العبد محمد موسى